വായനാ ദിനം / വായനാ വാരം

 ഇത്തവണ വായനാദിനത്തില്‍ സ്കൂളിലെ മുഴുവന്‍ കുട്ടികളും വായന ഒരു യജ്ഞമായി ഏറ്റെടുത്തു. 1,2,3,4 ക്ലാസ്സിലെ കുട്ടികള്‍ കേരള ശാസ്ത്രസാഹിത്യ പരിഷത്ത് എല്‍ പി കുട്ടികളുടെ വായനയെ പരിപോഷിപ്പിക്കാന്‍ വേണ്ടി തയ്യാറാക്കിയ 'അക്ഷരപ്പൂമഴ', 'പുസ്തകപ്പൂമഴ' പുസ്തകങ്ങള്‍ ഗ്രൂപ്പായിരുന്ന് മുഴുവന്‍ വായിച്ചു തീര്‍ത്തു. 1,2 ക്ലാസ്സുകാര്‍ സെറ്റ് ഒന്നും 3,4 ക്ലാസ്സുകാര്‍ സെറ്റ് രണ്ടുമാണ് വായിക്കാന്‍ വേണ്ടി തെരഞ്ഞെടുത്തത്. അഞ്ചാം ക്ലാസ്സിലെ കുട്ടികള്‍ പരിഷത്തിന്റെ തന്നെ 'വിജ്ഞാനപ്പൂമഴ' ഗ്രൂപ്പായിരുന്ന് വായിച്ചു. 3,4,5 ക്ലാസ്സിലെ കുട്ടികളില്‍ ഒരാഴ്ച കൊണ്ട് ഏറ്റവും കൂടുതല്‍ പുസ്തകം വായിച്ച് ആസ്വാദനക്കുറിപ്പ് തയ്യാറാക്കി നല്‍കിയ കുട്ടിക്ക് യൂറീക്ക സ്പെഷ്യല്‍ പതിപ്പ് സമ്മാനമായി നല്‍കി. അമ്മമാര്‍ക്ക് വേണ്ടി സംഘടിപ്പിച്ച വായനാ മത്സരത്തിന് ആവേശകരമായ വരവേല്‍പ്പാണ് ലഭിക്കുന്നത്. ഒരു വര്‍ഷം കൊണ്ട് ഏറ്റവും കൂടുതല്‍ പുസ്തകങ്ങള്‍ സ്കൂള്‍ ലൈബ്രറിയില്‍ നിന്നെടുത്ത് വായിക്കുകയും അവയുടെ ആസ്വാദനക്കുറിപ്പുകള്‍ സ്കൂളിലേല്‍പ്പിക്കുകയും ചെയ്യുന്ന അമ്മക്ക് സ്കൂള്‍വാര്‍ഷിക ദിവസം  സമ്മാനം എന്നതാണ് മത്സരം.

സ്കൂള്‍ ബാലസഭ ഉദ്ഘാടനം

                    സ്കൂള്‍ ബാലസഭ ഉദ്ഘാടനം ഇത്തവണ വ്യത്യസ്തത പുലര്‍ത്തി. പതിവു പ്രസംഗ രീതിയില്‍ നിന്ന് വ്യത്യസ്തമായി അറിയപ്പെടുന്ന ഒരു കലാകാരനെ പരിചയപ്പെട്ടു കൊണ്ടാണ് ഇത്തവണ ഉദ്ഘാടനം നടന്നത്. അരിയൂര്‍ എ എല്‍ പി സ്കൂളിലെ അദ്ധ്യാപകനും  മൃദംഗവാദനത്തില്‍ പ്രഗല്‍ഭനും ഗുരുവുമായ ശ്രീ. കെ.ബാബുരാജ് മാഷാണ് ഉദ്ഘാടനം നിര്‍വഹിച്ചത്. കുട്ടികളുടെ മനസ്സിലും ചലനത്തിലും താളം വരുത്തിക്കൊണ്ട് പ്രശസ്ത കവി ശ്രീ.ബോധേശ്വരന്റെ കേരളഗാനം അദ്ദേഹം ആലപിച്ചത് കുട്ടികള്‍ മനം നിറഞ്ഞ് പാടി. തുടര്‍ന്ന് അദ്ദേഹം മൃദംഗത്തെ കുട്ടികള്‍ മനസ്സിലാക്കിയ താളത്തില്‍ കൊട്ടിതുടങ്ങി ഒരു

പ്രവേശനോത്സവം

കുട്ടികളില്‍ കുറവില്ലാതെ ധാരാളം രക്ഷിതാക്കളുടെ സാന്നിധ്യത്തില്‍ ഇത്തവണ പ്രവേശനോത്സവം ഗംഭീരമായി. പ്രവേശനോത്സവഗാനം കുട്ടികളോടൊപ്പം  രക്ഷിതാക്കളും ഏറ്റു പാടി. തുടര്‍ന്ന് കുട്ടികളും രക്ഷിതീക്കളും അദ്ധ്യാപകരും ചേര്‍ന്ന് വിളംബര ജാഥ നടത്തി. ജാഥയില്‍ പങ്കെടുത്ത മുഴുവന്‍ പേര്‍ക്കും മതിയാവോളം ജ്യൂസ് സ്കൂളില്‍ തന്നെ ഉണ്ടാക്കി നല്കി. എല്ലാവര്‍ക്കും ലഡു വിതരണം ചെയ്ത് പ്രവേശനോത്സവം കൂടുതല്‍ മധുരതരമാക്കി. തുടര്‍ന്ന് പ്രവേശനോത്സവം ഉദ്ഘാടന ചടങ്ങ് നടന്നു. തൃക്കടീരി ഗ്രാമ പഞ്ചായത്ത് ക്ഷേമകാര്യസ്റ്റാന്റിങ് കമ്മറ്റി ചെയര്‍മാനും വാര്‍ഡ് മെമ്പറുമായ ശ്രീ. ടി .കുട്ടികൃഷ്ണന്റെ അദ്ധ്യക്ഷതയില്‍ ഗ്രാമപഞ്ചായത്ത് വൈസ് പ്രസിഡണ്ട് ശ്രീ.ഒ.കെ.സെയ്തലവി ഉദ്ഘാടനം ചെയ്തു. മുന്‍ പഞ്ചായത്ത് പ്രസിഡണ്ട് ശ്രീ.ഉണ്യേന്‍ കുട്ടി ഹാജി, പി.ടി.എ പ്രസിഡണ്ട് ശ്രീ.അബ്ദുള്‍ റഹിമാന്‍, മുന്‍ പി.ടി.എ പ്രസിഡണ്ട് ശ്രീ.എം.ടി.ഹൈദരലി എന്നിവര്‍ സംസാരിച്ചു. സ്കൂളിലെ നഴ്സറി മുതല്‍ അഞ്ചാം ക്ലാസ്സ് വരെയുള്ള മുഴുവന്‍ കുട്ടികള്‍ക്കും ആവശ്യമുള്ള മുഴുവന്‍ നോട്ടുപുസ്തകവും ഇത്തവണയും സൗജന്യമായി നല്കി. വിതരണം  വൈസ് പ്രസിഡണ്ട്, മെമ്പര്‍ എന്നിവര്‍ നിര്‍വഹിച്ചു. നഴ്സറിയിലും ഒന്നാം ക്ലാസ്സിലും ഉള്ള മുഴുവന്‍ കുട്ടികള്‍ക്കും ഇത്തവണയും പഠനോപകരണവിതരണം നടത്തി. ഉണ്യേന്‍ കുട്ടി ഹാജി, ഹൈദരലി, പി.ടി.എ പ്രസിഡണ്ട് എന്നിവര്‍ ചേര്‍ന്ന് വിതരണം ചെയ്തു.